---

Здружението за планински активности и афирмација на жената во спортот „Пелагона Прва“ е граѓанска организација од Прилеп, Македонија, основана со цел преку планинарењето, спортот и активностите во природа да придонесува кон развој на активни, здрави, инклузивни и одржливи заедници.

Веруваме дека планината не е само простор за физичка активност и авантура, туку моќна алатка за личен развој, едукација, јакнење на лидерски способности, поврзување на луѓето и создавање позитивни општествени промени.
Нашата работа е насочена кон:
• афирмација и јакнење на улогата на жените во спортот и општеството
• поттикнување на женски локален активизам и лидерство
• развој на младински и едукативни активности преку неформално образование
• промовирање здрави животни навики и активен начин на живот
• заштита на природата и подигнување на еколошката свест
• создавање можности за волонтирање, соработка и развој на заедницата

Преку планинарски активности, едукативни програми, волонтерски акции, кампањи и партнерства со локални и меѓународни организации, Пелагона Прва создава простор каде луѓето стекнуваат знаења, вештини и самодоверба за активно учество во општеството.

Нашиот пристап се темели на учење преку искуство, неформално образование, инклузија, еднакви можности и одржлив развој.

НАШИ АКТИВНОСТИ

1.Планинарство и outdoor едукација
Планинските активности се основата на нашето делување. Организираме планинарски тури, едукативни активности во природа и outdoor програми кои поттикнуваат здрави навики, тимска работа, одговорност и поврзаност со природата. Преку учење надвор од формалната училница, учесниците развиваат практични знаења, самодоверба и лидерски способности.

2. Жени во спортот и локален активизам
Една од главните цели на Пелагона Прва е зголемување на видливоста и учеството на жените во спортот, планинарењето и јавниот живот. Креираме активности кои ги охрабруваат жените да бидат активни, самостојни и вклучени во процесите на донесување одлуки во своите заедници. Преку проекти, работилници, менторство и активности во природа работиме на градење мрежи на поддршка и развој на женски лидерски потенцијал.

3. Животна средина и одржливи заедници
Природата е нашето поле на дејствување и наша одговорност. Организираме еколошки акции, волонтерски иницијативи и активности за подигнување на свеста за одговорно однесување кон животната средина. Ги промовираме принципите на одржлив развој, циркуларна економија и активно граѓанство преку практични активности со локалната заедница.

4. Млади, образование и инклузија
Работиме со млади, деца и семејства преку активности кои комбинираат движење, природа и учење.

5. Партнерства и соработка
Пелагона Прва верува дека одржливите промени се создаваат преку соработка. Соработуваме со:

• локални самоуправи
• образовни институции
• граѓански организации
• спортски и еколошки здруженија
• национални и меѓународни партнери

Преку овие партнерства развиваме иницијативи кои придонесуваат кон посилни заедници, еднакви можности и позитивни промени.

НАША ВИЗИЈА

Заедници во кои секој човек има можност да биде активен, вклучен и инспириран да придонесува кон подобра и поодржлива иднина.